12 гарадоў Еўропы

Прадстаўнікі палка Каліноўскага сустрэнуцца з беларусамі ў Еўропе

Беларускія добраахвотнікі правядуць сустрэчы ў гарадах Польшчы,
Чэхіі, Нямеччыны і Літвы.

Доўгі час полк ваюе шмат у чым дзякуючы дапамозе ад беларусаў, якія ў асноўным знаходзяцца за мяжой. Публічныя сустрэчы прадстаўнікі палка хочуць выкарыстаць для знаёмства з такімі людзьмі і асабістай падзякі ім.

Акрамя таго, адным з прыярытэтаў у дзейнасці палка з'яўляецца адкрытасць. Сустрэчы ў розных еўрапейскіх гарадах - адзін з элементаў гэтай самай адкрытасці. На іх ваяры гатовыя будуць адказаць на любыя пытанні.

Таксама прадстаўнікам палка хацелася б паразмаўляць з беларусамі пра будучыню Беларусі і як мы ўсе разам можам наблізіць змены ў нашай краіне. Шмат хто з беларусаў, якія з'ехалі з Беларусі з-за палітычнага пераследу, ускладаюць на полк свае надзеі на вяртанне. Але вызваліць нашу краіну мы можам толькі разам!