Полк Каліноўскага ўшанаваў памяць "Літвіна"

3 сакавіка, у дзень смерці Іллі Хрэнава з пазыўным "Літвін", на месцы яго гібелі сабраліся ваяры Палка імя Каліноўскага. Беларусы наведалі месца апошняга бою "Літвіна" і ўшанавалі яго памяць каля мясцовага мемарыяла. Ілля Хрэнаў стаў першым беларусам, які загінуў у пачатку поўнамаштабнай вайны расіі супраць Украіны. 

"Літвін" стаяў каля вытокаў стварэння беларускай роты пры тэрытарыяльнай абароные "Азоў", якая з часам вырасце ў Полк імя Кастуся Каліноўскага. У гонар Іллі пазней назавуць адзін з батальёнаў у складзе Палка - "Літвін".

Ілля загінуў у баях за Бучу, калi беларусы разам з украінцамі спрабавалі стрымаць наступ расійскай бронетэхнікі на Кіеў.

У красавіку 2023 года ў селішчы Ворзель Бучанскага раёна вуліца Акружна была перайменавана на вуліцу Іллі "Літвіна".