Аб удзеле ваяроў у палітычных аб’яднаннях

22 красавіка 2024 года адбыўся сход часткі асабовага складу Палка імя Кастуся Каліноўскага ініцыяваны камандзірам Палка Дзянісам Прохаравым (Кіт), што стаў прадметам абмеркавання грамадскасці і патрабуе афіцыйнага тлумачэння.

Перш, чым пракаментаваць вынікі збору асабовага складу, данясем тэзы, датычныя агульнага становішча Палка ў складзе Замежнага Легіёна ГУР Міністэрствы Абароны Украіны:

1. Беларусы, як грамадзяне замежнай дзяржавы, знаходзяцца ў складзе Узброеных сіл Украіны на падставе Закона «Аб ваеннай службе замежных грамадзян».

2. Устанаўленне, змяненне або прыпыненне прававых адносін, а таксама вызваленне ад пасады і/або звання любога ваеннаслужачага афармляецца пісьмовым загадам камандзіра ваеннай часці, да якой адносіцца Полк імя Кастуся Каліноўскага разам з іншымі замежнымі падраздзяленнямі.

3. Унутранае кіраванне справамі Палка ажыццяўляецца Радай камандзіраў Палка, вылучаных асабовым складам баявых і іншых падраздзяленняў.

4. Збор асабовага складу існуе як інструмент абмену меркаваннямі і давядзення інфармацыі да асабовага складу.

Пазіцыя Рады камандзіраў адносна ўдзелу ваяроў у палітычных і іншых аб'яднаннях і партыях

Рада камандзіраў лічыць неабходным прыняццё ўдзела Палка ў агульнабеларускім дэмакратычным дыскурсе і ўзаемадзеянні з іншымі палітычнымі актарамі. Праз гэта Палком імя Каліноўскага была ініцыяваная канферэнцыя і дыялогавая пляцоўка «Шлях да Волі». Фармат пляцоўкі прадугледжвае ўзаемадзеянне з палітычнымі і грамадскімі групамі пры захоўванні Палком магчымасці не адыходзіць ад сваёй асноўнай, вайсковай працы.

18 красавіка 2024 года стала вядома, што шэраг байцоў вырашыў вылучыцца на выбары ў Каардынацыйную раду, не паведаміўшы аб гэтым сваім камандзірам. На тэрміновай нарадзе Рады камандзіраў з гэтай нагоды былі прынятыя рашэнні:

1. Полк Каліноўскага не ўдзельнічае ў выбарах трэцяга склікання Каардынацыйнай рады Беларусі (аднагалосна).

2. У выпадку ўдзелу ў выбарах чальца ПКК: дазволіць за ўмовай паніжэння пасады да жаўнера або дазволіць за умовай сыходу з ПКК. Большасцю галасоў (10 супраць 4) быў прыняты другі варыянт – захаваць за байцамі магчымасць рэалізацыі ўласных палітычных інтарэсаў як фізічным асобам, пры ўмове сыходу з Палка Каліноўскага.

У бягучы момант Полк рыхтуецца да выканання новых баявыя задач.

Датычна кадравага пытання

Зараз адбываюцца кансультацыі з украінскім бокам. Ніхто із ваяроў са сваёй пасады на данны момант не вызвалены. 

Аб прыярытэтах Палка

Як бачым, палітыка не першы раз становіцца трыгерам для праблем. Аднак, Рада камандзіраў дакладна ставіць прыярытэты: ва ўмовах ваеннага часу ў складзе ВСУ Полк імя Кастуся Каліноўскага мае сваёй місіяй найперш вызваленне тэрыторыі Беларусі ад дыктатарскага рэжыму і ўплыву Крамля.

Гэта пытаньне выжываньня нацыі. Дыктатары не спыняцца, пакуль мы іх не спынім. Іх немагчыма залагодзіць ці дамовіцца ў рамках палітычных дэбатаў. Іх можна толькі перамагчы. І Лукашэнка баіцца толькі сілы і зброі. За два гады працы Палка ён змяніў сваё стаўленне да беларускіх добраахвотнікаў з «няшчасных збеглых» да «небяспечных ворагаў». І гэта дзякуючы дакладным прыярытэтам ваяроў і падтрымцы беларускага народа.