Пра аперацыю напрыканцы красавіка

З аб’ектыўных прычынаў мы пакуль не можам расказваць пра ўсе аперацыі, у якіх удзельнічаў наш полк, але пра адну з іх мы можам ужо распавесці, калі мы былі яшчэ батальёнам.

Напрыканцы красавіка група байцоў нашага батальёну прыняла ўдзел у аперацыі, у выніку якой вялікая група жаўнераў ЗСУ змагла выйсці з атачэння ў вёсцы на Ўсходзе Украіны.

Украінскія вайскоўцы тры тыдні ваявалі ў атачэнні: запасы ежы, вады і боепрыпасаў практычна скончваліся, колькасць параненых расла. Было прынята рашэнне аб прарыве і выхадзе з атачэння. Прыкрыццё і сустрэча групы былі прызначаны нашым байцам. Сустракаў украінскіх жаўнераў наш славуты камандзір “Волат”. У выніку невялікімі групамі з атачэння выйшлі і выратаваліся 50 чалавек.

Беларускія ваяры дапамаглі параненым, аказалі медычную дапамогу і эвакуіравалі тых, хто здолеў выйсці. Украінскія жаўнеры былі бязмежна ўдзячныя беларусам за дапамогу.