Навіны тыдня 24-30.10 Прэс-рэліз №18

Вуліца імя Кастуся Каліноўскага ў Кіеве

Прэс-рэліз мы вырашылі запісаць на вуліцы Кастуся Каліноўскага, якую Кіеўскія ўлады па рашэнні жыхароў гораду, нядаўна перайменавалі ў гонар героя Беларусі.

Дзякуем Кіяўлянам за аказаную павагу чалавеку, справу якога працягвае наш полк.

Навіны з фронту

Батальёны Літвін і Волат увесь тыдзень праводзілі навучанне асабовага складу. Адбылося два баявыя выхады, ў якіх нашыя ваяры сутыкнуліся з моцным агнявым супрацьдзеяннем ворага: “Градаў”, танкаў і мінамётаў. Абышлося без страт і раненняў сярод ваяроў палка.

Падрабязнасці стрыму ад 28.10

Мы правялі стрым з удзелам дэпутата Вярхоўнай рады ад кіруючай партыі «Слуга Народа» Багданам Яроменкам і намеснікам камандзіра палка Каліноўскага Вадзімам Кабанчуком. Стрым прысвечаны палітычным крокам палка. На ім былі ўзняты вострыя пытанні:

Ці будзе сам Лукашэнка дададзены ў санкцыйны спіс Украіны ўслед за жонкай і чаму гэта не зроблена да гэтага часу?

У якім статусе знаходзіцца пытанне, якое ўзнімалася на сустрэчы ў Вярхоўнай Радзе аб вяртанні выплат сваякам загінуўшых ва Украіне беларускіх добраахвотнікаў?

Калі будзе аб'яднанне ўсіх добраахвотнікаў у беларускае вызваленчае войска?

Люстрацыя Беларусі. Як полк Каліноўскага яе бачыць?

Як прадстаўнікі палка Каліноўскага адносяцца да офіса Святланы Ціханоўскай?

На гэтыя і многія іншыя пытанні, вы можаце пачуць адказы, прайшоўшы па спасылцы на канал Палка Каліноўскага на ютюбе, дзе ёсць запіс стрыму.

Глядзець стрым на Youtube

Уступіць у нашы шэрагі можна праз чат-бот у тэлеграме, дзе вам патрэбна будзе запоўніць анкету. Кожны можа знайсці сваё мейсца ў Палку і ўнесці свой ўклад у нашу агульную справу – вольную Беларусь.

Далучыцца да Палка праз чат-бот: @BelarusAndUkraineBot

Таксама вы можаце падтрымаць Полк, аказаўшы спонсарскую ці валанцёрскую дапамогу.