Навіны тыдня 16-22.01 Прэс-рэліз №30

Навіны з фронту

Батальён Волат усё гэтак жа знаходзіцца на самым гарачым напрамку фронту, дзе стрымлівае пастаяныя атакі ворага. На мінулым тыдні вельмі інтэнсіўна і эфектыўна адпрацавала СПГ і мінамёты батальёна.

Некалькі ваяроў параненыя, але іх жыццю нічога не паграджае.

На мінулым тыдні ваяры батальёна "Літвін" праводзілі штурмавыя аперацыі сумесна з падраздзяленнямі ЗСУ. У дадзены момант частка батальёна знаходзіцца на ратацыі, іншая частка рыхтуецца да выканання новай баявой задачы.

Палкавое БПЛА імя Мікіты Крыўцова працавала на двух напрамках: Сватаўскім і Бахмутскім. Падраздзяленне паспяхова ажыцяўляла карэкціроўку вагню і выведку пазіцый ворага.

Псіха-фізічны тэст для рэкрутаў

На мінулым тыдні рэкруты вучэбнай роты Палка Каліноўскага паспяхова прайшлі псіхафізічны тэст, а таксама трэніроўкі з гранатамі. Падрыхтоўку, якую мы забяспечваем нашым рэкрутам, празодзяць толькі спецыяльным падраздзяленні ЗСУ. Вучэбная рота рыхтуецца да размеркавання па баявым падраздзяленням Палка.

Дзень Саборнасці Украіны

22 студзеня жыхары Украіны адзначылі "Дзень саборнасці". Гэта дзяржаўнае свята прымеркавана да аб'яднання Украінскай Народнай Рэспублікі і Заходнеўкраінскай Народнай Рэспублікі ў адзіную, непадзельную дзяржаву.

Полк Каліноўскага, віншуе ўкраінцаў з гэтым святам і робіць усё магчымае, каб і далей Украіна заставалася непадзельнай, адваявала ўсе акупаваныя тэрыторыі і была незалежнай.

Усе актуальныя навіны, дэталі і падрабязнасці падзей вы можаце знайсці на нашым афіцыйным сайце і ў сацыяльных сетках Палка.

Інфармацыя, якая тычыцца дапамогі Палку Каліноўскага таксама знаходзіцца ва ўсіх нашых афіцыйных крыніцах. Падтрымаць Полк