Батальён "Волат" Палка Каліноўскага панёс страты

У ходзе аперацыі пад Бахмутам батальён Волат Палка Каліноўскага панёс страты.

Нажаль, адзін ваяр загінуў. Яшчэ чацвёра, на дадзены момант, лічацца зніклымі без вестак, але дакладна не ў палоне. Зараз раскрываць падрабязнасці аперацыі мы не можам. Таксама асобы ваяроў не раскрыюцца ў мэтах бяспекі.

Мы знаходзімся на сувязі з роднымі загінулага і зніклых без вестак ваяроў.

Яшчэ некалькі байцоў атрымалі параненні рознай ступені цяжкасці. Зараз іх жыццю нічога не пагражае.

Сёння цяжкі дзень не толькі для Палка Каліноўскага, але і для ўсяго беларускага народа. Гэтая вайна працягвае забіраць беларускіх герояў. Герояў, якія аддалі самае дарагое для перамогі над агрэсарам - уласнае жыццё.

Мы звяртаемся да ўсіх СМІ. Усю інфармацыю аб тым, што адбываецца, просім браць з нашых афіцыйных крыніц, каб не падвяргаць небяспеке тых, хто працягвае выконваць аперацыю. Набярыцеся цярпення. Дзякуй за разуменне.

Не гледзячы на нашы страты, мы працягваем шлях да перамогі!

Жыве Беларусь і Слава Украіне!